ШҰҒЫЛ! АҚПАРАТТЫҚ ХАБАРЛАМА Толығырақ

АҚПАРАТТЫҚ ХАБАРЛАМА

14:19, 7 шілде 2021

«Қазақстан» РТРК» акционерлік қоғамымен 2021 жылғы 25 шілдеге тағайындалған партия мүшелері қатарынан сайланатын Қазақстан Республикасы ауылдарының, кенттерінің, ауылдық округтерінің әкімдігіне кандидаттарына, өзін-өзі ұсыну тәртібінде кандидаттарына, сондай-ақ егер ұсыну мерзімі аяқталатын күнге кемінде екі кандидат ұсынылса аудан (облыстық маңызы бар қала) әкімдеріне сайлауалды үгіт материалдарын орналастыру үшін теле-, радиоарналарында эфирлік уақыт беруінің жалпы шарттары

«Saryarqa», «Qostanai», «Qyzyljar», «Ertis», «Semei», «Altai», «Kókshe», «Jambyl», «Ońtústik», «Qyzylorda», «Aqtobe», «Aqjaiyq», «Atyray», «Mańǵystaý» аймақтық телеарналарының меншік иесі - «Қазақстан» Республикалық телерадиокорпорациясы» (бұдан әрі - РТРК), «Atyraý» радиоарнасы және «Қазақ радиосы» эфирінде (әрі қарай – Теле-, радиоарланар) өңірлік енгізілімдері бар Батыс Қазақстан облысында, Жамбыл облысында, Солтүстік Қазақстан облысында, Түркістан облысында (бұдан әрі - Теле-, радиоарналар) «Қазақстан Республикасындағы сайлау туралы» Қазақстан Республикасының Конституциялық заңына сәйкес, сайлауалды үгіт материалдарын (бұдан әрі – Үгіт материалдары) орналастыру үшін Теле-, радиоарналарда эфирлік уақыт беру шарттары мен тәртібі, төлем мөлшері туралы хабарлайды.

Теле-, радиоарналар эфир уақытын РТРК мен кандидаттар және/немесе партиямен кандидаттарды ұсынатын Қазақстан Республикасы ауылдарының, кенттерінің, ауылдық округтерінің әкімдеріне партия мүшелері қатарынан сайланатын кандидаттар, өзін-өзі ұсыну тәртібімен кандидаттар және егер ұсыну мерзімі аяқталатын күнге кемінде екі кандидат ұсынылса аудан (облыстық маңызы бар қала) әкімдерінің (бұдан әрі - Кандидат) және Кандидаттың уәкілетті өкілінің арасында жасалатын жазбаша шарт негізінде береді және Теле-, радиоарна бекіткен монтаждау парақтарына сәйкес эфирлік уақыт береді. Сонымен қоса, монтаждау парақтары жазбаша өтініш берілген күні Теле-, радиоарналарда бар техникалық мүмкіндіктерге сәйкес, яғни Теле-, радиоарналардың эфирлік уақытының жоспарлы уақыт аралығында жарнаманың болуына және/немесе болмауына қарай, Үгіт материалдарының эфирге жоспарлы шығуына дейін күнтізбелік 3 (үш) күн бұрын әзірленеді.

Теле-, радиоарналарында эфирлік уақыт беру төмендегі Үгіт материалдарын орналастыру жолымен жүзеге асырылады:

1) қазақ тілінде хронометражы 10 (он) секундтан кем емес және 60 (алпыс) секундтан аспайтын аудио және бейнероликтер;

2) арнайы репортаждар;                            

3) өзге де Үгіт материалдары.

Кандидаттың не болмаса оның уәкілетті өкілінің РТРК басшысының атына жазған жазбаша өтініші эфирлік уақыт беру туралы шарт жасау үшін негіздеме болып табылады.

Үгіт материалдарының саны, хронометражы, эфирге орналастыру жоспарланған күн мен уақыт Кандидаттың не болмаса оның уәкілетті өкілінің жазбаша өтінішінде көрсетіледі, кейіннен олар шарт талаптарымен бекітіледі.

Өтініш Кандидаттың өтініштерін тіркеу журналында, кезектілік тәртібімен, әр жазбаша өтінішке реттік нөмір тағайындау және өтініштің келіп түскен күнін белгілеу жолымен тіркеледі.

Жазбаша өтінішке мынадай құжаттар қоса берілуі керек:

1) кандидатты тіркеу құжатының көшірмесі;

2) Кандидаттың уәкілетті өкілінің өкілеттігін растайтын құжаттың көшірмесі;

3) өтініш берген тұлғаның жеке куәлігінің көшірмесі.

Теле-, радиоарналар эфирінде Кандидаттың Үгіт материалдарын орналастыру кезектілігі жазбаша өтініштердің келіп түсу ретімен не болмаса, егер өтініштер бір уақытта келіп түскен жағдайда, жеребе бойынша белгіленеді. Жеребе өткізу тәртібі мен шарттарын РТРК белгілейді.

Егер жазбаша өтініш келіп түскен сәтте, сұратылып отырған уақыт ертерек жүгінген басқа Кандидатқа берілген болса, немесе техникалық мүмкіндіктерге байланысты берілуі мүмкін болмаса, РТРК Теле-, радиоарналардың техникалық мүмкіндіктерін ескере отырып Кандидаттың үгіт материалдарын орналастыру үшін басқа уақыт ұсынады.

Үгіт материалдары Теле-, радиоарналарда эфирге жоспарлы шығуына дейін кем дегенде күнтізбелік 3 (үш) күн бұрын ұсынылуы тиіс.

Үгіттік аудиовизуалдық материалдар (бейнероликтер) DVCPRO HD немесе XDCAM HD 50 Мбит/сек кодталған форматта, profile 4:2:2, секундына 25 кадр, HD стандартындағы кадр өлшешімімен, өрістету түрі interlaced, өрістерді құру жолы: үстіңгі бірінші өріс (top field first) кадрдың қатынасы16:9, біріктірілген дыбыспен және көрсетілген тайм-кодпен ұсынылады. Аудиосүйемелдеу келесі объективті және субъективті техникалық талаптарға сәйкес болуы тиіс: серпінді диапазон кемінде 40дБ; жиіліктік диапазон кемінде 20Гц-20000Гц; студиялық жазбада бейсызықтық бұрмалау коэффиценті 1%-дан артық емес; сигналдың акустикалық ревербациясы («жаңғырық») болмауы тиіс; сөйлеудің 100% анықтығы болуы тиіс; жазбада бөтен дыбыстар, шулар, кедергілер естілмеуі тиіс; 1-2 дыбыс жолақтары үшін түйістірілген дыбыс (оң және сол дыбыс жолақтары қайталануы тиіс) қажет; 3-4 дыбыс жолақтары үшін ажыратылған дыбыс қажет.

Үгіттік аудиоматериалдар (аудиороликтер), WAV-форматында-дискреттеу жиілігі -48000 Гц, разрядтылығы – 24 бит, стерео, жазба деңгейі -9-дан -6 дб-ға дейінгі файлда ұсынылады. Үгіт материалдар сыртқы тасуыштарда (қатты диск, флеш карта) беріледі. Электрондық тасымалдағышпен бірге эфирлік уақыт беру туралы шартқа қол қоюға уәкілетті тұлғаның қолы қойылған, Үгіт материалының мазмұны болып табылатын мәтіннің түсіндірмесі, суреттері Үгіт материалдарында пайдаланылған тұлғалардың жазбаша рұқсаттары, ал олар қайтыс болған жағдайда – мұрагерлерінің жазбаша рұқсаттары, жарнамалық материалдарда кәмелетке толмаған балалардың суреттері пайдаланылған жағдайда – ата-аналарының, қамқоршыларының, жанашырларының жазбаша рұқсаттары беріледі.

Үгіт материалдарында олардың төленуі, қаржыландыру көздері туралы дыбыстық немесе визуалды ақпарат болуы тиіс.

Үгіт материалдарын ұсынған Кандидат олардың мазмұнының Қазақстан Республикасы заңнамасының талаптарына, соның ішінде авторлық және сабақтас құқықтар саласындағы заңнамаға сәйкес болуына дербес жауапты болады.

Осы ақпараттық хабарламада көрсетілген тәртіп пен талап бұзылған жағдайда, сондай-ақ тиісті шарт талаптары бұзылған кезде Үгіт материалдарын эфирге шығару жүргізілмейді не болмаса бұзушылық жойылғанға дейін тоқтатылады.

Егер Үгіт материалдарында конституциялық құрылысты күштеп өзгерту, республиканың тұтастығын бұзу, мемлекет қауіпсіздігіне нұқсан келтіру, әлеуметтік, нәсілдік, ұлттық, діни, топтық және тектік араздықты қоздыру, қатыгездік пен зорлық-зомбылыққа бас ұру, сондай-ақ заңдарда көзделмеген әскерилендірілген құрамалар құру идеялары болса, РТРК оларды эфирге шығарудан бас тартады.

РТРК Үгіт материалдарында басқа да Кандидаттардың арына, намысына немесе іскерлік беделіне зиян келтіруі мүмкін ақпарат болған жағдайда оларды эфирге шығарудан бас тартуға құқылы. Осы ақпараттық хабарламада көрсетілген эфирлік уақытты беру тәртібі мен талаптары Қазақстан Республикасы уәкілетті органдарының талаптарына сәйкес түзетілуі мүмкін.

Теле-, радиоарналарда Үгіт материалдарын орналастыру құны және тілі

Теле-, радиоарна атауы

Орналастыру тілі

1 минуттың құны, теңгеде, соның ішінде ҚҚС

1

РТРК-ның аймақтық телеарнарлар

Қазақ, орыс

3 300

2

«Қазақ радиосы» радиоарнасының эфиріндегі өңірлік енгізілімдер

Қазақ, орыс

650

3

«Аtyraý» радиоарнасы

Қазақ, орыс

650

Жасалған шарт бойынша Теле-, радиоарналарда Үгіт материалдарын таратқаны үшін төлем жасау РТРК ұсынған төлем шоты негізінде, шот берілген күннен бастап 5 (бес) жұмыс күні ішінде жүзеге асырылады.

 

РТРК жазбаша өтініштерді сайлау алдындағы үгіт басталғанға дейін күнтізбелік 3 күн бұрын 2021 жылғы 14 шілдеден (жергілікті уақыт 18:00 кейін) бастап, 2021 жылғы 19 шілдені қоса алғандағы мерзімге дейінгі аралықта, демалыс және мереке күндерін есептемегенде, сағат 10:00 бастап сағат 18:00 дейін (жергілікті уақыт бойынша), (үзіліс уақыты – сағат 13:00 бастап сағат 14:00 дейін), төмендегі мекенжайлар бойынша қабылдайды:

- «Qazaqstan» Ұлттық телеарнасында, «Қазақ радиосы», «Шалқар» радиоарналарында орналастыру үшін Нұр-Сұлтан қ., Д. Қонаев көш., 4, 8 қабат, 8 702 195 17 17;

- «Kókshe» телеарнасында орналастыру үшін Көкшетау қ., Куйбышев көш., 19;

- «Qostanai» телеарнасында орналастыру үшін Қостанай қ., Әл-Фараби даңғылы, 126;

- «Qyzyljar» телеарнасында және «Қазақ радиосы» радиоарнасының эфиріне өңірлік енгізілімде орналастыру үшін Петропавловск қ., Брусиловский көш., 1;

- «Ertis» телеарнасында орналастыру үшін Павлодар қ., Қ.Сұрағанов көш., 21;

- «Semei» телеарнасында орналастыру үшін Семей қ., Шұғаев көш., 157;                   

- «Altai» телеарнасында орналастыру үшін Өскемен қ., Стаханов көш., 70;

- «Saryarqa» телеарнасында орналастыру үшін «Қарағанды қ., Воинов Интернационалистов көш., 14;

- «Jambyl» телеарнасында және «Қазақ радиосы» радиоарнасының эфиріне өңірлік енгізілімде орналастыру үшін Тараз қ., Сүлейменов көш., 6;

- «Ońtústik» телеарнасында және «Қазақ радиосы» радиоарнасының эфиріне өңірлік енгізілімде орналастыру үшін Шымкент қ., Қазыбек би көш., 20 үй;

- «Qyzylorda» телеарнасында орналастыру үшін Қызылорда қ., Желтоқсан көш., 11;

- «Aqtobe» телеарнасында орналастыру үшін Ақтөбе қ., Т.Ахтанов көш., 54;

- «Aqjaiyq» телеарнасында және «Қазақ радиосы» радиоарнасының эфиріне өңірлік енгізілімде орналастыру үшін Орал қ., Н.Сыдықов көш., 1А;

- «Atyraý» телеарнасы және «Atyraý» радиоарнасы эфиріне орналастыру үшін Атырау қ., Молдағалиев көш., 29;

- «Mańǵystaý» телеарнасында орналастыру үшін Ақтау қ., 24 ықшам ауданы.

Жазбаша өтініштер факсимильдік және Интернет байланыс арқылы қабылданбайды.

«Қазақстан» РТРК» АҚ

Тақырып бойынша материалдар

«Қазақстан-Павлодар» телеарнасының ұжымы дайындаған фильм «Алтын Гефест» ұлттық сыйлығын иеленді
18:27, 16 маусым 2016
«Қазақстан-Павлодар» телеарнасының ұжымы дайындаған фильм «А...
Толығырақ...
«Қазақстан-Қарағанды» телеарнасының ұжымы арасында өтіп жатқан «Арқа арнасының келбеті» байқауы жалғасуда
16:20, 13 мамыр 2016
«Қазақстан-Қарағанды» телеарнасының ұжымы арасында өтіп жатқ...
Толығырақ...

Танымал жаңалықтар

ТӘРТІПКЕ ШАҚЫРАТЫН КЕЛІСІМ ЖАСАЛДЫ
15:30, 10 қыркүйек 2021
ТӘРТІПКЕ ШАҚЫРАТЫН КЕЛІСІМ ЖАСАЛДЫ
Толығырақ...