Қарағандылық ауыр атлетші Артем Антропов әлем чемпионатында жеңістің жалауын желбіретті

Байрақты бәсекеде жерлесіміз салмағы 323 келі зілтемірді ойланбай-ақ көтерген.Елу елдің арасынан есесін жібермей еншісін алған, төрешілердің көз алдында тұлпардай тарпыған саңлақ бүгінде ашық жаттығу жасауғада кірісіп кетті

15:41, 19 сәуір 2017   75

Ашық түрдегі тыңғылықты дайындығын жас жігіт жеңістің қызуымен арқаланып бастады.Арманы асқақ спортшыны алдында әлі біршама белестер күтіп тұр.Үш аптадан кейін оғланымыз Шымкентте өтетін сайыста кіл мықтылармен күш сынасады. Сайыпқыран ауыр атлетикадан он  екі жылдан бері бірде-бір қол үзген емес. Арқа азаматының тоқтаусыз төккен тері мен еселі еңбегі ақталды. Ақырында Артем  айды аспаннан шығарып әлем біріншілігінде алтын медальмен апталды.Өздерін бек сенімді санаған Польша мен Иран елдері спортшыларында қапыда қалдырды.

 

Артем АНТРОПОВ ауыр атлетикадан әлем чемпионы

Қазан қаласында  әжептауір тәжірбиемді толықтырып,тынысымды аштым. Онда үш мәрте өнер көрсеттім.  Бұл жетістігіммен тұрып қалмайтыным анық.  Мен жүзден жүйрік, мыңнан тұлпар боламын.

 

Өткен жылы жерлесіміз әлем бойынша шың шеберлердің арасында жетінші орынға тұрақтаған.Топ жарған тарланбоз  төрткүл дүниеге еліміздің атын дәлелдеді.  Чемпионатқа елу мемлекеттен 450 атлетші қатысты.  Дүбірлі додада Қазақстан намысын 16 саңлақ қорғады. Беделі бес қарудай Артем  2020 жылы Токиодо өтетін олимпида  ойындарында сынға түсуден  үмітті.

 

Иван СНЕГУРОВ бапкер

Аударма:Шәкіртім шыңға шығады.Үмітімді ақтайтыны сөзсіз.Оның көзінде олимпиада чемпионы секілді от ойнап тұр.  Бойында ешкім тартып ала алмайтын қайсарлық бар.

Қазір жастар жаттығуын жалғастыруда.Демек келешектегі олимпиадан күтеріміз көп.Тек арландарымыздың асығы алшысынан түссе игі.

Жанбота РАХМЕТУЛЛАҰЛЫ

«Қазақстан-Қарағанды» телеарнасының ресми сайты

100000, Қарағанды қаласы, Жауынгер-интернационалистер көшесі, 14 үй Байланыс телефондары: 8 (7212) 41-11-25