«Қарағанды» атты волейбол клубы сатылымға қойылды

Негізі облысымызда 24 нысан жекешелендіру бағдарламасының шеңберінде меншікке өткізіледі.Жекешелендірудің талаптарына сай келмейтін бес ғимарат бүгінде таратылуға түбегейлі дайын

12:58, 12 шілде 2017   32

Жекешелендірудің жүйелі жоспарына «Қарағанды» волейбол клубыда әсте кірген.Нысан сатылымға алғашқы рет   мамыр  айының жиырма бірі күні түсті.Ал екінші мәрте  маусымның отызы аралығында қойылды. Бірақ белгіленген уақытта  клубты меншікке алатын қожайын   табылмады. Тіпті үшінші кезекте ұйым таратылуы бек мүмкін дейді Нұрлан Садықов мырза.

Нұрлан САДЫҚОВ «Қарағанды» ВК жетекшісі

Егерде команда ыдырайтын болса аймағымыз әккі спортшыларды жоғалтады. Еншісіне ешкім алмаса  саңлақтар жан-жаққа  кетуге мәжбүр.Енді атымтай азаматтарға үміт артамыз.Кім білсін бәлкім көмектесетін шығар.

Дәл қазіргі уақытта спорт клубында 96 қыз тоспа доппен шұғылданады. Олардың  арасында он екі спорт шебері  және ұлттық құраманың белді мүшелері бар.Мұнда волейболмен айналысатын аруларға  жаттығу әзірге тегін жүргізіледі.Жыл сайын осы нысандарды сақтау үшін мемлекет 170 миллион теңге қаржы жұмсайды.Келешекте қазынаға түсер салмақты азайтып, ұйымды бәсекелестік ортаға беруді көздеп отыр басшылар.

Рүстем ҚОЖАБЕКОВ облыстық денешынықтыру және спорт басқармасы басшысының орынбасары

Бастауалды бағыт Қазақстандағы спорт  саласының  көкжиегін кеңейтудің бірінші қадамы іспеттес. Бұл біз үшін жаңашылыдық. Мәселен Алматының Қайраты  жекеменшіктің құзырына берілген. Шетелде  осындай үрдіс жақсы қалыптасқан.

Мемлекеттік активтер және сатып алу басқармасы мамандарының  пайымдауынша желтоқсан айында «Шахтер»және «Сарыарқа» клубтары ауционға түседі Бүгінде ұйымдардың саудаланатын бағалалалары нақтыланып жатыр. Бюджеттен әр нысанға жылына 2 миллиардақ жуық ақша бөлінеді. Айтпақшы балалар ауруханасы мен «Тұлпар» шағын футбол клубыда сатылмақ.

Айжан Серікқызы мемлекеттік автивтер және сатып алу басқармасы басшысының орынбасары

Жұмыс  2014 жылдан бері басталды.Сол жылы президен өз жолдауында жекешелендірудің үлкен толқынын жариялады.  Елбасы әр өңірге тиісті тапсырмалар жүктеді. Экономика министрлігі  ғимараттарды  жіпше тізді Бұл бір жағынан бәсекеге қабілеттілікті арттырады.

Нысандар туралы мәліметтерді госреестр нүкте кз  веб-порталынан біле аласыз.  Волейбол клубының бағасы 9 миллион 600 тың теңгені тұрады.Екі рет саудаға түскеннен кейін оның  құны екі милионға төмендеді. Ресми түрдегі сатылым шілде айының жиырма алтысы күні өтеді.

Жанбота РАХМЕТУЛЛАҰЛЫ

«Қазақстан-Қарағанды» телеарнасының ресми сайты

100000, Қарағанды қаласы, Жауынгер-интернационалистер көшесі, 14 үй Байланыс телефондары: 8 (7212) 41-11-25