Тәуелсіз мемлекетіміз қалай құрылды? Егемендік жылдары еліміз қалайша қарыштап қадам басуда?

Бұл ақпараттарды Осакаров кентінің оқушылары Теміртау қаласындағы Тұңғыш Президент тарихи-мәдени орталығын тамашалау барысында танысты. «Рухани жаңғыру» бағдарламасы аясында олар Елбасының тағылымды өмірінен біраз дерек алды

16:00, 9 тамыз 2017   181

ҚР Президенті - Нұрсұлтан Назарбаевтың  еліне жасаған қалтқысыз қызметі мен ерен еңбегі барлық буын өкілдеріне үлгі-өнеге. Жылдар жылнамасындағы жемісті жұмыстарын мұражайдағы экспонаттар, құжаттар және  фотолардан көруге болады.  

Евгения ШВАБ  Осакаров аудандық білім бөлімінің әдіскері

Біздің экскурсия «Руханижангыру» бағдарламасын жүзеге асыру мақсатында өткізілуде. Әр оқушыда патриоттық асыл қасиет қазәрден бойына дарыу керек. Сондықтан осындай тарихи мәдени ошақтарды көру арқылы олар ерекше шабыт алады. Танымын жандандырады. Бұл экскурсияға баруда бізге қолдау көрсеткен«Андреев» жеке кәсіпкерлігіне аудандық білім бөлімі шексіз алғысын білдіреді.

8 сынып оқушысы Еңілік Садетханды мұражайдағы «Өз заманының ұлы» атты зал ерекше қызықтырды. Оны  Елбасының бозбала шағындағы талабы мен таланты таңғалдырды. Әсіресе кітап оқуға деген құмарлығы тәнті етті. Себебі әдеби туындыларға, поэзияға деген  Еңліктің де қызығушылығы жоғары.  Осакаров ауданының оқушылары биыл  жазғы демалыстарын осылайша сәтті өткізуде. Жазғы лагерлерде тынығып, сауығып қайтқан. Енді тамыз айының соңында 150 бала Астана қаласында «ЭХРО-2017» халықаралық көрмесін тамашалайды.  Ауданда барлығы 39 мектеп болса, соның 5-еуі роботехника зертханасын ашқан. Білім мекемелерінде осымен үш жыл бойы «Аудан қазынасы» атты жоба жүзеге асырылып жатыр. Соның аясында  оқушылар өлкенің өндірісті тарихи мәдени ошақтарын аралайды. Ол - Бұйратау  ұлттық табиғи саябақ пен мұражайлар және Бөрлі көмір кеніші мен Сәтпаев су арнасы . Мұнда көруге тұрарлық дүниелер жетерлік. 

Гүлбақша АҚАЖАНОВА   

«Қазақстан-Қарағанды» телеарнасының ресми сайты

100000, Қарағанды қаласы, Жауынгер-интернационалистер көшесі, 14 үй Байланыс телефондары: 8 (7212) 41-11-25