Теміртаудағы тарихи-өлкетану мұражайында ерекше жәдігерлердің экспозициясы ашылды

18:22, 15 наурыз 2017

Бұл бұйымдардың алғашқы нұсқалары әлемнің түрлі елдерінде әр жылдары өткен көрмелерге қойылған. Мұражай қызметкерлері атақты павильондардың фотосуреттері мен ең озық технологияларын көрермен назарына ұсынып отыр. Жәшіктерге жасырынған экспонаттарды келушілер өздері ашып көріп, тарихын оқуға мүмкіндік алды

Бүгінде адамзат үшін қарапайым затқа айналған тұрмыстық техникалардың кезінде әлемдік көрмелерге қойылып, жұртты таңдай қақтырғанын біреу білсе, біреу білмес. Көрмеге келген қыздардың көзі ең алдымен кір жуғыш машинаның жаңарған нұсқасына түсті. Бұл  техника әу баста Париждегі көрмеде көпшілікке таныстырылған. Металл шарикті қолмен араластыру арқылы киімдерді тазартатын қондырғыға таң қалмаған жан жоқ.

Екатерина БЕЛЯЕВА  Теміртау қаласының тұрғыны

Қазір бір кнопканы басып, кір жуа береміз. Қолмен айналдыру қиын болғаны анық. Бұл расында да қызық. Адамдар  тұрмысты жеңілдету үшін жылдар бойы ізденді. Нәтижесінде ғылым қарыштап дамыды.Міне, оның жемісін көріп отырмыз. Биылғы EXPO-дан да энергетика саласында ерекше жаңалықтар күтеміз.

Алғашқы радио, ұялы телефон, сенсорлық экран, рентген, жұмсақ жиһаздың атасы саналатын Вена орындығы, бәрі-бәрі ғылымның жетістігі. Ал, тігін машинасы осыдан 150 жылдай бұрын Лондонда өткен тұңғыш дүниежүзілік көрмеде ұсынылған екен.

Мұражай қызметкерлері дүниежүзілік көрмелер өткен алып павильондардың фотосуреттерін де топтастырған. Ұлыбританиядағы «Хрусталь сарай», АҚШ-тағы «Күн сарайы», Қытайдағы «Тұқым теру» нысандары мамандардың өзін таңқалдырған. Париждегі Эйфель мұнарасын да француздар кезінде дүниежүзілік көрме өткізу үшін салыпты.

Гүлім СЫЗДЫҚОВА Теміртау қалалық тарихи-өлкетану мұражайының  қызметкері

«ЭКСПО қай жылдан бастап шықты.Жалпы адамзатқа қосатын үлесі туралы айтқымыз келген.Жас ұрпақ бұрыңғы,қазіргі ЭКСПО тарихын білу арқылы өздерінің ойларын жаңғыртып,келешекте жаңа технологияларын ойлап тауып,келешекке өздерінің керемет үлестерін қосады».

Тарихи мағлұматтарға толы көрме ақпанның аяғына дейін жұмыс істейді. Мұражай қызметкерлері биыл жазда Астанада өтетін EXPO-2017 көрмесі тақырыбында да мағлұматтар жинауды жоспарлап қойған. Ол экспозиция көрермендерге келесі жылы ұсынылмақ.

Жанбота РАХМЕТУЛЛАҰЛЫ 

Тақырып бойынша материалдар

Кеншілер шаһарында Ғалым Жарылғаповты еске алуға  арналған бокстан 34-ші халықаралық турнир өз жалауын тікпек
16:53, 14 желтоқсан 2017
Кеншілер шаһарында Ғалым Жарылғаповты еске алуға арналған б...
Толығырақ...
Ағымдағы жылы аймақ бойынша бес қабатты, 25 тұрғын-үйдің құрылысы аяқталады
16:50, 14 желтоқсан 2017
Ағымдағы жылы аймақ бойынша бес қабатты, 25 тұрғын-үйдің құр...
Толығырақ...
Көліктің салығын уақытында төлеңіз!
16:49, 14 желтоқсан 2017
Көліктің салығын уақытында төлеңіз!
Толығырақ...

Танымал жаңалықтар

2017 жылы облыс бойынша үш тілде білім беретін мектептердің саны 55-ке жетті
17:06, 8 желтоқсан 2017
2017 жылы облыс бойынша үш тілде білім беретін мектептердің...
Толығырақ...
Қарағандыдағы теміржол вокзалына алдағы көктемде күрделі жөндеу жүргізіледі
17:42, 8 желтоқсан 2017
Қарағандыдағы теміржол вокзалына алдағы көктемде күрделі жөн...
Толығырақ...