РУХАНИ КЕЛІСІМ – ТАТУЛЫҚТЫҢ БЕЛГІСІ

18:43, 12 қазан 2017

Н.В Гоголь атындағы Қарағанды облыстық әмбебап ғылыми кітапханасында «Конфессияаралық бірлік – рухани келісім негізі» атты кездесу өтті. Шара барысында діни кітаптар көрмеге қойылды. Бұл 18 қазан рухани келісім күніне орай ұйымдастырылып отыр. Оған Қазақстан халық асамблеясының мамандары, дін істер басқармасының өкілдері және студенттер мен оқытушылар қатысты

Кітап көрмесіне барлығы 43 діни кітап пен журнал, газеттер қойылды. Мұнда әлем авторларының діни бағыттағы үздік туындылары қойылған. Мақсаты жастардың діни сауаттылығын ашу, ұлтаралық қарым-қатынасты сақтау болып табылады.

Гүлжазира СЕРІКҚАЛИҚЫЗЫ   облыстық кітапхана қызметкері

Біздің Қазақстанда әр-түрлі ұлт өкілдері тұрады. Осы шара дінаралық және қоғамдағы өзіміздің халқымыздың бірлікте болуы, әріптестігімізді одан әрі дамытуға бағытталады.

Аслан ТӨКЕНОВ  облыстық діндер жөніндегі басқарманың бөлім жетекшісі

Дөңгелек үстелдің басты мақсаты Қазақстандағы жастарға ұлтаралық келісімнің қаншалықты маңызды екенін жеткізу, түсіндіру.

Кездесу барысында жиналғандар келелі ойларымен бөлісті. Мәселен  Бақытқали Мұсабеков дінаралық татулықты нығайту үшін нақты жұмыстарды күшейту керек деп есептейді. Осы бағытта ол өзге тілдегі діни кітаптарды қазақшаға аударған.  

Бақытқали МҰСАБЕКОВ    аудармашы

Үлкен алдымызға мақсат қойып, үлкен биіктен көріну үшін, қандай қлы істер жасау керек?! Ол үшін халықтың, ұлттардың достығы керек. Дінаралық. Конвессияаралық татулық қажет.

Осыдан 25 жыл бұрын еліміз 18-ші қазан  Ұлтаралық және дінаралық келісім күні деп бекіткен болатын. Содан бері бұл бағытта  тынғылықты шаралар жасалуда. Бір шаңырақ астында 130-ға аса ұлт өкілдерінің өмір сүріп жатқаны – бірліктің арқасы деп тарқасты жиналғандар. Ұйымдастырушылар бұл дөңгелек үстел мерекеге орай жасалынып жатқан жұмыстардың бастамасы деп атап өтті.

Айдана ДАСТАН

Тақырып бойынша материалдар

Қыста қаланы қардан тазалау үшін - коммуналды қызметтің саны емес, сапасы маңызды
17:45, 20 қазан 2017
Қыста қаланы қардан тазалау үшін - коммуналды қызметтің саны...
Толығырақ...
Қарағанды қаласындағы №93 мектеп-гимназиясында «Латын әліпбиінің Қазақстан тарихында алатын орны» атты семинар өтті
17:44, 20 қазан 2017
Қарағанды қаласындағы №93 мектеп-гимназиясында «Латын әліпби...
Толығырақ...

Танымал жаңалықтар

Шет ауданына қарасты Ағадыр кентіне 80 жыл
17:54, 16 қазан 2017
Шет ауданына қарасты Ағадыр кентіне 80 жыл
Толығырақ...