КЕРЕМЕТКЕ ТОЛЫ КӨРМЕ

Халықаралық Астана ЭКСПО-2017 көрмесін осы уақытқа дейін екі миллионнан астам адам тамашалап үлгерді. Туризмнің дамуын жаңа сатыға көтеретін іс-шарада жаңа технологиялар мен озық бастамалар жетерлік

17:40, 8 тамыз 2017   184

Кариб теңізінде болмаған болсаңыз барлық қызықты Экспо көрмесінің арнайы павилондарынан тамашалай аласыз. Әсерлі, әрі озық үлгідегі жобалармен танысасыз. Осындағы арнайы алаң - Кариб мәдениетінен сыр шертетін туындыларға толы.  

Джуил КРОУФОРД  Белиз елінің өкілі (Кариб бұғазы)

Біз Қазақстан елінің осындай жетістікке жеткеніне талай мәрте куә болдық. Енді міне қаншама елдің басын қосып отыр. Әрине, ғалымдар, мықты мықты ойшылдар үшін өз еңбегінің жемісін көріп, жұлдызн жағатын мүмкіндік экспо алаңы екені сөзсіз. Барлық жағдай жасалғаны қуантады.

«Экспо» қалашығын «Ақылды қала» деп атамасқа амал жоқ. Мұнда энергия саласына қатысты түрлі тың жобалар төрге қойылған.

Мария НИКОЛАЕВА ерікті (Ресей)

Ресей жерінің көптеген бастамаларын ұсынамыз. Бұл энергия жинау топтамасына тікелей байланысты. Энергия ресурстарын жандандыру жаңа ғасырда өте маңызды. Ерікті ретінде мен өз таңданысымды жасырмас едім.

Көрме алаңынан небір таңғажайып туындыларды кездестіруге болады. «Ақылды энергия желісі», «Ақылды ғимарат», «Ақылды жарықтандыру» секілді заманауи бастамалар бар. Көрме аяқталған соң арнайы жобалар Астана қаласының балансына өтпек. Кешеннің көпті таңқалдырған электр үнемдегіш жабдықтары өзгелерге де үлгі болары сөзсіз. Бұл даму жолына бетбұрған еліміз үшін маңызды бағыттардың бірі.

Мақсат БЕЙСЕНАЕВ    

«Қазақстан-Қарағанды» телеарнасының ресми сайты

100000, Қарағанды қаласы, Жауынгер-интернационалистер көшесі, 14 үй Байланыс телефондары: 8 (7212) 41-11-25