Қаздауысты Қазыбек би Келдібекұлының ескерткіші енді Түркістан қаласында да бой түземек

17:01, 21 сәуір 2017

Бұл Қарағандыда «Ұлттық руханият және Қаздауысты Қазыбек би мұрасы» атты республикалық практикалық конференияда мәлім болды. Сондай-ақ ұлы тұлғаның 350 жылдығына арналған рухани шаралар легі де баяндалды

Алдымен конференцияға қатысушылар  Қарағанды қаласының қақ төрінде орналасқан Қаздауысты Қазыбек бидің ескерткішіне гүл шоқтарын қойып,  тағызым етті. Бұл еңселі ескерткіш 2011 жылы бой түзеген болатын.  Мұнда оң қолымен халқына бағыт сілтеп,  сол қолында заңдар жиынтығын ұстап тұрғанының  өзінде қаншама мән жатыр - дейді жиналғандар.

Осындай ескерткіш биыл Түркістан қаласында да орнатылатыны туралы  конференцияда айтылды.  Бұл игілікті шараны Оңтүстік Қазақстан облысында ашылған Қазыбек би атындағы қор қолға алып отырған көрнеді. Рухани шараға Түркістаннан арнайы келген бір топ өкіл  қарағандылық мүсіншілермен келіссөз жүргізді. Бұл қор еліміздің бір туар ұлының 350 жылдық мерейтойын кең көлемде атап өтуге ұйытқы болуда.

Айтулы шара барысында ғалымдар Қазыбек бидің мемлекет пен құқық тарихындағы рөлі, ұлт дүниетанымы мен руханиятын дамытуда  қосқан үлесі туралы баяндамаларын жасады. Болашата  Қаздауысты Қазыбек би мұрасы жайлы халықаралық конференция ұйымдастырылмақ. Ал Қарағанды облысында республикалық ақындар айтысын өткізу жоспарлануда.

Конференцияға республиканың әр өңірінен 120 дан астам материал келіп түскен. Соның 76 сараланып, ғылыми мақала ретінде жарыққа шықты.

Гүлбақша АҚАЖАНОВА

Тақырып бойынша материалдар

Қыста қаланы қардан тазалау үшін - коммуналды қызметтің саны емес, сапасы маңызды
17:45, 20 қазан 2017
Қыста қаланы қардан тазалау үшін - коммуналды қызметтің саны...
Толығырақ...
Қарағанды қаласындағы №93 мектеп-гимназиясында «Латын әліпбиінің Қазақстан тарихында алатын орны» атты семинар өтті
17:44, 20 қазан 2017
Қарағанды қаласындағы №93 мектеп-гимназиясында «Латын әліпби...
Толығырақ...

Танымал жаңалықтар

Шет ауданына қарасты Ағадыр кентіне 80 жыл
17:54, 16 қазан 2017
Шет ауданына қарасты Ағадыр кентіне 80 жыл
Толығырақ...