Қайырымдылықтан түскен қаражат қайда жұмсалады?

Шахан кентіндегі тұрғын үйдің бірінде болған апаттан зардап шеккендерге қажетті көмек жан-жақтан көрсетілуде. Бүгінде есеп-шотқа 42 млн.теңге аударылған

20:06, 10 қаңтар 2017   57

Күні кеше бұл қаражатты бөлу бойынша арнайы құрылған кеңестің бірінші отырысы өтті. Оның шешімі бойынша қаза тапқан адамдардың отбасына жерлеу рәсіміне кеткен шығынды өтеу үшін 9 млн.теңге беріледі. Ал келесі жиналыста өтемақы мен баспана беру мәселелері қаралатын болады. Бұл қамқорлық көрсету кеңесінің құрамында кенттегі қоғам белсенділері де бар. Облысымыздың тілшілері де кеңес мүшесі болуға құлшыныс танытып отыр. Төртінші билік иелері Шахтинск қаласының әкімдігіне хат та жолдаған. Шахандықтардың қайғысына ортақтасып еліміздің түкпір-түкпірінен жіберіліп жатқан қаржының көлемі қомақты. Бұл ақшаны шашау шығармай тұрғындарға әділ бөліп беру керек деп санайды журналистер қауымы.  Бұқаралық ақпарат құралдары жиналған қаржының қайда, қалай жұмсалғанын жұртшылыққа жеткізіп отырады.

Жанбота РАХМЕТУЛЛАҰЛЫ

«Қазақстан-Қарағанды» телеарнасының ресми сайты

100000, Қарағанды қаласы, Жауынгер-интернационалистер көшесі, 14 үй Байланыс телефондары: 8 (7212) 41-11-25