Кітапхана-білім кені

Жайық Бектұров атындағы кітапханада «Білім көкжиегі» деген тақырыппен «жасөспірімдер кітабының» апталығы өтті. Шара аясында дөңгелек үстелдер, мұражайларға саяхат, интеллектуалдық-танымдық ойындар, шығармашылық кештер ұйымдастырылуда

15:39, 19 сәуір 2017   104

Жасөспірімдер кітабы апталығына арналып ұйымдастырылған дөңгелек үстелге филологтар мен жазушылар және студенттер қатысты. Рухани тәлімі мол кездесуде Шерхан Мұртазаның, Зеин Шашкиннің, Ғабит Мүсіреповтің өмір жолы, шығармашылығы туралы ой бөлісті. Әдебиетте есімдері ерек тұлғалардың қалдырған мұралары мәңгілік жасайтынына басқосуда тағы бір көз жетті.  Жасөспірімдер кітабының апталығы сәуірдің18-нен 25-не дейін жалғасады. Айтулы күн аясында Жайық Бектұров атындағы кітапхана әртүрлі шаралар ұйымдастырмақшы. Оған оқушылар, студенттер қатысады.   Бұл кітапханада әртүрлі жанрдағы және жастарға арналған 154 мың кітап қоры бар. «Бота», «Фэмэйс бук», «Жайық» деп аталатын оқырмандар клубы жұмыс істейді. Ал жазда ашық аспан астында кітап оқу акциясы ұйымдастырылады.

Асылбек ТОЙБЕК

«Қазақстан-Қарағанды» телеарнасының ресми сайты

100000, Қарағанды қаласы, Жауынгер-интернационалистер көшесі, 14 үй Байланыс телефондары: 8 (7212) 41-11-25