JOL SAPASI - BASTI NAZARDA

17:36, 19 mawsım 2018

Qarağandı qalalıq qoğamdıq keñestiñ müşeleri reydke şıqtı. Oblıs ortalığınıñ köşelerimen jürip, joldardıñ qanşalıqtı sapalı jäne waqıtılı jürgizilip jatqanın tekserip qayttı

Ötken jılı Qarağandı qalasınıñ qoğamdıq keñes müşeleri birqatar joldardıñ sapasın tekseremiz dep wäde bergen edi. Reyd jumıstarı Kosmonavtar köşesinen bastaldı.

Munda jöñdew jumıstarı nebäri 1 jıl burın jasalğan. Alayda, qazirdiñ özinde joldıñ joğarğı qabatı awır jükke tötep bere almağanı körinip-aq tur. Merdiger kompanïya qayta qalpına keltiretinderin aytıp, wäde berdi. 

«Armstroy» kompanïyası birneşe köşelerde asfal'ttaw jumıstarın jürgizwde. Vagonnaya köşesi de osı atalmış kompanïyanıñ qarawında. Qoğamdıq keñestiñ müşeleri joldıñ qalıñdığı talapqa say bolwın qadağaladı. Texnïkalıq dïrektordıñ sözinşe olar sapanı arnayı texnïkanıñ kömegimen qatañ baqılaydı. Tekseris barısında jürgizilip jatqan jumıs  talapqa säykes bolmay şıqtı. Nätïjesinde, joldıñ 35 metri qayta jöndeledi. Sebebi, merdeger kompanpïya 3 jıldıq kepildik bergendikten, barlığın qayta qalpına keltirwge mindetti.

«Armstroy» kompanïyası budan bölek, Küngey ıqşam awdanındağı birneşe joldı jöñdew üstinde. Qoğamdıq keñestiñ müşeleri mundağı asfal'ttaw jumıstarına da birqatar şağımdarın bildirdi. Merdiger kompanïya eskertwlerdiñ barlığın nazarğa aldı.

Qurmanğazı köşesiniñ de joldarı sın kötermeydi. Ötken jıldıñ köktem ayında ğana jöñdew jumıstarı jürgizilgenimen bul awmaqtağı joldardıñ  asfal'ttarı isten şığa bastağan. Merdiger kompanïyanıñ ökili joldar tolıq salınbağanın aytıp, barlıq kemşilikterdi eskeretinderin alğa tarttı.

Nïkolay ABT,   Qarağandı qalalıq qoğamdıq keñestiñ müşesi:

- Asfal'ttar tösegen jerler tegis emes, Orskaya, Benzïnnaya köşelerindegi joldar tekseristen ötken körinedi. Alayda, qarasañız bul jerden birqatar kemşilkterdi bayqawğa boladı.

Qoğamdıq keñestiñ müşeleri merdiger kompanïyağa eskertw jasap, tağı tekserispen keletinderin ayttı. Al, olarğa jol sapasın baqılawğa täwelsiz sarapşılar kömektesetin boladı.

Aydana DASTAN

Tegter: Qarağandı jañalıqtarı men oqïğaları, Qarağandı oblısınıñ soñğı jañalıqtarı, Qarağandıdağı jañalıqtar

Тақырып бойынша материалдар

Танымал жаңалықтар