«MEN QAZAQPYN - 2018»

17:32, 18 mawsım 2018

Jüzden jüyrik anıqtaldı. Qarağandıda «MEN QAZAQPYN» xalıqaralıq megajobasınıñ oblıstıq iriktew kezeñi öz märesine jetti

Bul - 118 ümitkerdiñ işinen iriktelip şıqqan önerpazdar. Arqa öñiriniñ atın şığarıp, keşegi Maylıqoja, Aqtamberdi sïyaqtı termeşilerdiñ, Qurmanğazı men Dïna Nurpeyisova sındı küyşilerdiñ izin jalğastırwşılar. Sayıskerler saxnada ulttıq kïimi, orındaw şeberligi arqılı özara erekşelenwge tırıstı. Olar bayraqtı bäsekede baq talastırıp jatqandarına qaramastan bir-birine sättilik tilep jattı. Önerpazdardıñ önerin tamaşalwğa aymaq basşısı Erlan Qoşanovta keldi.

Erlan QOŞANOV,  Qarağandı oblısınıñ äkimi:

- Nağız Elbasınıñ jañğırw ïdeyaları men osı jobanıñ ïdeyaları ündesip jatır. Bügin sizderdiñ janküyerleriñiz bolıp keldik. «Men Qazaqpın» degen söz 11 äripten turadı. Osı 11 äriptiñ işinde bizdiñ tarïxımız, rwxımız, önerimiz jatır. «Men qazaqpın» jobası ulğa emes, ultqa, rwğa emes rwxqa qızmet jasaytın joba boladı dep senemin.

«MEN QAZAQPYN» megajobası Qazaqstan Ulttıq telearnasınıñ uyımdastırwımen xalıqaralıq deñgeyde ötkizilwde. Maqsatı – elimizdiñ är qala pen awdandarında qazaqtıñ ulttıq önerin däriptep jürgen azamattardıñ basın bir arnağa qosw bolıp tabıladı. Arnayı arqa jerine kelgen «Qazaqstan» RTRK» AQ Basqarmasınıñ törağası Erlan Qarïn jobanıñ mañızdılığı jaylı aytıp ötti.

Erlan QARÏN,  «Qazaqstan» RTRK» AQ Basqarmasınıñ törağası:

- Elbasınıñ jarlığımen jaña bizdiñ ulttıq merekemizdi bekitip berdi. Endigiden bastap şilde ayınıñ birinşi jeksenbisinde ulttıq dombıra küni toylanatın boladı. Elbasımızğa osı şeşimi üşin alğıs aytwımız kerek.

«MEN QAZAQPYN» xalıqaralıq megajobasınıñ qorıtındısı boyınşa är atalımda 3 jeñimpaz anıqtalıp, olar respwblïkalıq dodağa joldama aldı. Atap aytqanda, dästürli än nomïnacïyasında bäsekelesterin artta qaldırıp, oq boy oza şıqqan  Şet awdanınıñ önerpazı Erkebulan Axmetov boldı. Ol – Şortanbay Qanayulınıñ «Jïırma bes» änin orındap, tındarmannıñ qulaq qurışın qandırdı. 

Küy atalımında qazılar alqasın da, körermen qawımdı da tänti etken Qarağandılıq Aydar Omarbekov. Ulttıq önermen ösip-öngen talant ïesi Qurmanğazınıñ «Terisqaqpay» twındısın  orındap şıqtı.

Al, terme atalımında bas jüldeni Jezqazğan qalasınan kelgen Sağımbay Mälibekov ïelendi. Jas jigit - Cättiğuldıñ «Älewmet keldiñ qurala» termesin orındadı.

Sağımbay MÄLİBEKOV, terme atalımı boyınşa:

-Ärïne, qwanıştımın. Jeñiske ülken eñbekpen keldim.

Endigi bas jüldeni jeñip alğan jeñimpazdar aymaqtıñ namısın respwblïkalıq dodada qorğaytın boladı. Esteriñizge sala keteyik, «MEN QAZAQPYN» xalıqaralıq  megajobasınıñ II mawsımı ağımdağı  jıldıñ qırküyek ayınıñ birinşi aptasınan bastap «Qazaqstan» ulttıq telearnasınıñ éfïrine şağadı.

Aydana DASTAN

Tegter: Qarağandı jañalıqtarı men oqïğaları, Qarağandı oblısınıñ soñğı jañalıqtarı, Qarağandıdağı jañalıqtar

Тақырып бойынша материалдар

Танымал жаңалықтар